18 мая 2021 г. у аддзеле краязнаўчай літаратуры і бібліяграфіі Брэсцкай абласной бібліятэкі імя М. Горкага адбылася прэзентацыя новай кнігі — гісторыка-краязнаўчага нарыса «Вёска Рубель на Століншчыне» доктара гістарычных навук, прафесара, загадчыка кафедры гісторыі славянскіх народаў БрДУ імя А. С. Пушкіна А. Вабішчэвіча.

31 сакавіка 2021 г. у Брэсцкай абласной бібліятэцы імя М. Горкага адбыўся міжнародны круглы стол «Лукаш Дзекуць-Малей: прадаўжальнік справы Скарыны», прымеркаваны да 100-годдзя пачатку дзейнасці ў Брэсце грамадскага і рэлігійнага дзеяча, выдаўца, перакладчыка,  дабрачынца, і 90-годдзя выдання перакладу Бібліі на беларускую мову. Мэта круглага стала — асэнсаванне яго ўнёску ў агульную гісторыка-культурную спадчыну Беларусі і Брэстчыны. Галоўнай падзеяй стала прэзентацыя новага зборніка навуковых артыкулаў «Лукаш Дзекуць-Малей: пастар, які працягнуў справу Скарыны», які выйшаў у свет у 2021 г. у выдавецтве «Пазітыў-цэнтр», з удзелам аўтараў. Кніга складаецца з апублікаваных у перыяд з 1975 да 2018 г. пятнаццаці артыкулаў дзевяці даследчыкаў. На сённяшні дзень гэта толькі другая кніга ў беларускай гістарыяграфіі, прысвечаная асобе Л. Дзекуця-Малея. У зборніку таксама ўтрымліваецца багаты матэрыял па краязнаўстве Брэстчыны.

Круглы стол прайшоў у афлайн- і анлайн-фарматах. Небяспечная эпідэмічная сітуацыя не дазволіла запрасіць для ўдзелу ў мерапрыемстве ўсіх жадаючых. Прагучалі анлайн-даклады вядомых навукоўцаў Алены Глагоўскай, прафесара ўніверсітэта Казіміра Вялікага ў г. Быдгашчы (Польшча), Ёханэса Раймера, прафесара па місійных даследаваннях і міжкультурнай тэалогіі ўніверсітэта прыкладных навук г. Эверсбаха (Германія), а таксама прамых нашчадкаў Л. Дзекуця-Малея з г. Гданьска (Польшча). У працы круглага стала прынялі ўдзел гісторыкі Брэсцкага дзяржаўнага ўніверсітэта імя А. С. Пушкіна, Брэсцкага дзяржаўнага тэхнічнага універсітэта, краязнаўцы, спецыялісты па гісторыі пратэстантызму ў Беларусі.

Краязнавец І. М. Чайчыц прадставіў невядомыя раней дакументы пра Л. Дзекуця-Малея з фонду Дзяржаўнага архіва Брэсцкай вобласці. Былі прадстаўлены таксама арыгіналы Бібліі на беларускай мове ў перакладзе Л. Дзекуця-Малея ўсіх гадоў выдання (1931, 1948, 1985, 1991). Заг. аддзела краязнаўчай літаратуры і бібліяграфіі Жэлянгоўская Ірына прэзентавала выставу дакументаў з фондаў бібліятэкі «Лукаш Дзекуць-Малей і Беларусь: асоба ХХ стагоддзя».

Удзельнікі круглага стала пазнаёміліся з музейна-выставачнай экспазіцыяй аддзела рэдкай кнігі, у якую ўваходзяць рэдкія і каштоўныя выданні па гісторыі Беларусі і Брэстчыны.

Верамчук Ларыса Эдуардаўна,

намеснік дырэктара па сацыякультурнай і інфармацыйнай рабоце

Кантактны тэлефон: +375 162 43 45 25

Чытачы і супрацоўнікі Брэсцкай абласной бібліятэкі імя М. Горкага віншуюць з 70-гадовым юбілеем таленавітага беларускага мастака-ювеліра, заслужанага дзеяча мастацтваў Рэспублікі Беларусь Мікалая Кузьміча. Мікалай Пятровіч працуе ў галіне ювелірнага мастацтва, у тэхніцы гарачых эмаляў. Уваходзіць у пяцёрку лепшых майстроў у свеце, якія працуюць у гэтай унікальнай тэхніцы. Займаецца вырабам мастацкіх твораў, аб’ектаў і ювелірных упрыгожанняў.

Брэсцкай абласной бібліятэцы імя М. Горкага — 80 гадоў! Па-сапраўднаму доўгая гісторыя. За гэты час Бібліятэка стала творчым калектывам аднадумцаў, установай са сваімі традыцыямі і непаўторным стылем. На працягу 80 гадоў яна паспяхова выконвала сваю асноўную місію: забяспечвала інфармацыяй, развівала культурна-асветную дзейнасць, шукала новыя падыходы, новыя формы работы, імкнулася захаваць і прымножыць інтэлектуальнае багацце пакаленняў.

Віншаванне з юбілеем

5 лістапада адзначае 70-гадовы юбілей пісьменнік, журналіст Аляксандр Міхайлавіч Валковіч.

1–2 кастрычніка 2020 г. на базе ДУК «Ганцавіцкая раённая цэнтралізаваная бібліятэчная сістэма» адбылася III Абласная школа дырэктараў бібліятэчных сістэм Брэсцкай вобласці.

2 кастрычніка 2020 г. у кафэ «Маяк» адбылася вечарына ў гонар 75-гадовага юбілею вядомага даследчыка і вучонага, знакамітага краязнаўца, ганаровага чытача Брэсцкай абласной бібліятэкі імя М. Горкага Леаніда Несцерчука. Ён з’яўляецца аўтарам шматлікіх кніг па гісторіі Берасцейшчыны і Беларусі, а таксама вядомым дзеячам па ахове гісторыка-культурнай спадчыны.

У аддзеле краязнаўчай літаратуры і бібліяграфіі Брэсцкай абласной бібліятэкі імя М. Горкага дзейнічае кніжная выстава «Брэст векапомны» да Дня вызвалення горада Брэста 28 ліпеня 1944 г. савецкімиі войскамі ад нямецка-фашысцкіх захопнікаў.

Согласно Указу Президента Республики Беларусь от 20 июня 2018 года № 247 2018–2020 гг. проходят в нашей стране под знаком Года малой родины.

Моцнага здароў’я, творчага плёну і шчасця Вам, Зінаіда Іосіфаўна!